•                            周秀娜被教授的問題考起，搞到i晒頭。

在書展中憑着噴血寫真和誘人攬枕而成功上位的模周秀娜，昨晚在科技大學出席講座，李小良教授與周秀娜對談「解讀周秀娜現象」。整個長達個半小時的講座，兩人毫無交集問非所答，究竟如何「解讀」了周秀娜，大家聽得一頭霧水，簡直是浪費時間，浪費公帑。

未開talk前，已被外界狂插膚淺、荒謬，周秀娜無懼外界抨擊，昨晚照常出席，衣着方面明顯比過往的作風保守。今次「解讀周秀娜現象」在科技大學演講廳舉行，可容納四百人，六時已經滿座，其中七成是男生，大家均期待可從中有所得着，但整個過程，由教授獨自講解開頭，一開波已無厘頭引用《西廂記》中的色情典故套用在周秀娜的case，與攬枕、食雪糕、刷牙比同是性現象、性引喻。再插入兩段不同的廣告，其中是周秀娜的纖體廣告，另一段是模特兒食雪條，教授將他們定為情色消費一種，富挑逗及誘惑情。

對話毫無高見

之後周秀娜出場與教授對談，兩人的談話可謂毫無內容，周秀娜答非所問、不理解教授的問題，引例如解釋唔到，醜態百出，而教授亦不見得有高見，同一個問題可以問三次之多，連你是否快樂也作為問題。

以下是兩人廢問廢答精華：

教授：你覺得呢個年紀嘅人，有乜共同特色？

周：無咗電腦會死，依家好多時喺網上搵資料。

教授：除咗呢樣，生活上呢？

周：大家都好鍾意好爆嘅嘢，差異好大嘅嘢（全場笑），例如巴士阿叔。

教授：有乜差異？

周：er……（答唔出）大家都追求刺激，依家年輕人好鍾意玩自拍，我都係其中一個。

教授：你係咪覺得呢代人，好鍾意激烈情緒同情感上得到愉悅？

周：好深喎。（全場大笑和拍手）

教授：自拍愉悅係咪快樂一種，自拍同反叛有冇關係？

周：個個定義唔同，以前鍾意，依家係工作一部分，啲人用呢種方法放上網，證明自己嘅存在。

後悔冇好讀書

教授：自拍同反叛有冇關係？

周：你指情色成分。

教授：唔係，我指係反叛？

周：反叛有好多嘢否定，例如阿媽唔想我做月入八千元sales，想做醫生，律師，自己唔自覺得做八千蚊sales係反叛，想做自己嘅嘢。

教授：自拍同反叛有冇關係？

周：我覺得自拍好開心。

教授：有冇曾經後悔，例如我曾為讀書無睇一場騷？

周：我好後悔無好好讀書。

教授：對於我無睇騷，你有乜comment？

周：教授我好難comment你。（部分人拍手）

教授：依家年輕人係點？

周：我唔係好理解依家年輕人，因我都唔了解自己，要搞掂自己先。

教授：咁你有無衝動同欲望梳理（意思整理）自己。

周：你可唔可以講多次？係咪逃離？

唔知自己做乜

教授：係好好了解自己。

周：會呀，有時唔知自己做緊乜，係想知自己點解要咁做。

教授：你覺得年輕人追求自己或做緊乜嘢係咪好重要？

周：好深，我諗係重要嘅，唔係追求自己係追求自己嘅目標，係無止境追求更高位置，對我嚟講係一種快樂。

教授：快樂對你嚟講係咩，你快唔快樂？

周：快樂，我好鍾意自己嘅工作，雖然過程有唔開心，有困難，快樂係自己追求，唔可以停留，要知道自己為乜而笑。 文：名人組

                                                      Chrissie嫌問題深難答

•                    周秀娜完成講座離去時，被大班學生起哄包圍。

完成講座後，周秀娜（Chrissie）接受傳媒訪問，問到心情是否緊張？她說：「都OK，自己做足準備工夫，諗吓啲問題。（教授問啲嘢好深奧？）都係嘅。」問她是否鬆一口氣？她說：「好開心可以參與呢個講座，諗到好多之前冇諗過嘅嘢，學到情色同色情分別。（你屬於邊種？）呢樣嘢唔需要界別。（你係咪好爆？）留畀其他人評論。」

當李教授討論情色消費時會否尷尬？Chrissie說：「唔會，呢樣嘢係知識一種。（喺咁多人面前播你個廣告好尷尬？）好多人睇過，巴士都狂播。（送寫真集畀教授？）吓？冇貨噃。（琦琦同你Sell同一樣嘢，但你好似受偏見同歧視？）我冇諗呢啲問題，我只做好自己工作。（會再應邀其他大學出席講座？）主要係睇番Topic。」

而在演講正式開始時，全場同學都非常專心地聆聽Chrissie與教授的對談。可是當演講完畢後，竟有過百名學生在演講廳門外，瘋狂擁上，要由5名保安人員護送周秀娜返回保母車。

                                                   學生彈枉稱成功人士

聽完講座後，學生們各抒己見，大都認為周秀娜不算成功人士。

袁同學：

對模現象有興趣，對Chrissie冇興趣，想從學術角度同價值觀去睇，唔覺得佢係成功人士，成功係佢嘅公司同老闆，佢只係幸運嘅一個，佢內外都唔標青。

林同學：

佢係一個公眾人物，唔應該對佢有成見，自己當係一個分享，不過成功人士就唔係咁合適。

謝同學：

想睇吓模現象有幾流行，（佢嘅身份未有資格演講？）身份同資格冇關。

                                                           李教授聞得着O嘴

演講嘉賓李小良教授受訪時，大讚周秀娜答得好好，問到如何好？李教授說：「佢提到電腦、上網同自拍話題，可以繼續深入探討。」問到周秀娜在「好爆」的問題上，似是答非所問，李教授則說：「佢只係用咗啲字眼，唔係佢想講嘅嘢啫。（點解請周秀娜？）我都係嘉賓，唔係我請。」

問到李教授在講座有何得着？他即O嘴語塞，至於是否加深對該話題的認識，他說：「我對呢個問題好了解。（會揀邊位G模？）吓？我會揀邊個？Chrissie依家最Hit，大家好清楚。」

                                                    查小欣轟科大定位離奇

•                            查小欣及詹瑞文對周秀娜事件分別發表意見。

繼早前於電台節目中炮轟科大應改名為「化學大學」後，查小欣昨日於《巴巴閉邊個夠我查篤撐》中，繼續開火力斥：「有線之前叫我評論今日周秀娜去科大，我拒絕咗，因為我唔想利用周秀娜出風頭，我亦都心痛一間著名學府會用周秀娜現象嚟做頭炮，科大究竟想定啲咩位？有人喺Facebook度叫我向科大道歉，我唔知呢啲係咪真係科大學生，另外我力撐言論自由。」

於舞台劇《o靚模襲地球》大講o靚模的詹瑞文，昨日在查小欣節目中談論周秀娜及科大：「如果可以引起討論，咁就有意義。但若果只係多人關注嘅活動，咁學校自己會知囉！」

•                                        不少同學也舉手發問。

此外，場內亦有學生發問一些令人摸不着頭腦的問題，令全場爆笑兼拍爛手掌。有學生問周秀娜：「我覺得出面好多人批評模係低成本出嚟嘅女仔，同投資好多錢嘅女仔一齊爭，好多人唔鍾意模，分為兩批，一批係Super models，另一批係同你同期出道同差唔多年紀嘅模？你覺得邊啲㷫啲？」此時全場爆笑拍手，周秀娜為迎合大家「需要」，她就說：「我覺得我㷫啲，我唔係佢哋，我唔可以代表佢哋講。」